Flutningar

Skil á íbúð

Skil á leiguíbúð

Þegar kemur að því að flytja úr leiguhúsnæðinu þínu þarf að bóka með þér útskoðun á eigninni.

Starfsmaður Heimstaden hefur samband við þig 1-2 dögum áður en að íbúð skal skilað og bókar með þér tíma.

Úttekt á leiguíbúð tekur u.þ.b 30 mínútur. 

Ef skemmdir hafa orðið á eigninni á meðan á leigutíma stendur mun umsjónarmaður meta skemmdir og kostnað við lagfæringu. Einnig er farið yfir þrif og málun á eigninni.

Ef þú hefur ekki tök á að vera sjálf/ur viðstödd/viðstaddur úttektina á íbúðinni, þarf að fylla út umboð og skila til Heimstaden áður en að útskoðun fer fram.

Hér er hægt að nálgast umboðið, umboðið þarf að prenta út og umboðsmaður afhendir starfsmanni Heimstaden það við útskoðun.

 

Lyklar

Við skil á íbúð þarf að skila öllum lyklum af húsnæðinu, ásamt póstkassalykli og fjarstýringu af bílastæðakjallara þegar það á við

Geymslur

Tæma þarf geymslu og sópa gólf við skil á íbúðinni. Séu munir skildir eftir í geymslu er leigusala heimilt að farga þeim þegar íbúðinni hefur verið skilað

Þrif

Íbúð skal þrifin vel, gæta þarf að því að þrífa skápa og skúffur, blöndunartæki, bakaraofn og ofnskúffur. Einnig skal þrífa gler og hurðar

Skráningar

Færa þarf lögheimili af eigninni við flutning. Einnig þarf að flytja internet og síma. Leigusali sér um að færa rafmagn og vatn af leigutaka

Þjónusta Heimstaden við málun og þrif

Heimstaden býður leigutökum upp á að kaupa þjónustu við málun og þrif á eign.

Verð á málningarvinnu er 1.300 kr á fm. Innifalið í því er spörtlun, málun, vinna og efni.

Einnig er hægt að óska eftir því að Heimstaden sjái um þrif á íbúðinni og er kostnaður við það 66.900 kr,-

Leigutaki óskar eftir því að mála og þrífa eign

Ef leigutaki óskar sjálfur eftir því að sjá um málun á íbúðinni við skil þarf að hafa samband við Heimstaden og óska eftir litanúmeri á málningu.

Hér má sjá gátlista sem gott er að hafa til hliðsjónar varðandi flutningsþrif á íbúðinni