Heimstaden

Algengar spurningar

Hér finnurðu svör við algengustu spurningum sem væntanlegir og núverandi leigutakar velta fyrir sér.

Hvar sé ég hvaða eignir eru lausar til leigu?

Allar eignir sem lausar eru til leigu hverju sinni eru auglýstar á heimasíðunni okkar.

Hvernig sæki ég um íbúð?

Undir „íbúðir til leigu“ á heimasíðu okkar er hægt að sjá allar eignir sem lausar eru til leigu. Með því að velja þá eign sem þú hefur áhuga á og velja „sækja um fasteign“, er hægt að fylla út umsóknareyðublað og senda inn. Lestu meira um umsóknarferlið hér.

Hvenær fæ ég svar við umsókn?

Við leggjum okkur fram við að svara svo fljótt sem auðið er, helst innan tveggja virkra daga.

Get ég skráð mig á biðlista?

Heimstaden eru með Eignavakt, þar sem hægt er að skrá sig og hvernig íbúð óskað er eftir. Þegar sambærileg íbúð fer í auglýsingu, fær viðkomandi tilkynningu um það á tölvupósti.

Hvað felst í staðfestingar- og umsýslugjaldi?

Þegar tilvonandi leigutaki hefur ákveðið að taka eignina á leigu, er greitt staðfestingar– og umsýslugjald, samtals 30.000 kr til að festa sér eignina. Staðfestingar- og umsýslugjald er gjald fyrir ástandsskýrslu sem gerð er bæði við innskoðun og útskoðun á eign sem og annar kostnaður, t.d vegna skjalagerðar. Ef viðkomandi hættir við að leigja eignina, er gjaldið ekki endurgreiðanlegt. Sjáðu verðlista okkar hér.

Eru gæludýr leyfð í eignum Heimstaden?

Heimstaden hefur til yfirráða nokkur hús þar sem gæludýr eru leyfð, það er sérstaklega tekið fram í auglýsingu þegar það á við.

Hvað felst í leigusamningnum?

Gerður er skriflegur tímabundinn leigusamningur til 12 mánaða eða ótímabundinn leigusamningur, eftir því sem leigutaki óskar eftir. Samningur er ávallt endurnýjaður að leigutíma loknum óski leigutaki þess, nema um sé að ræða vanefndir leigjanda samkvæmt húsaleigulögunum og/eða leigusamningnum.

Það er mikilvægt að kynna sér vel innihald samningsins, hér getur þú séð stutt útskýringarmyndband og lesið meira um úthlutunarferlið.

 

Ef eitthvað bilar í eigninni, hvert á ég að snúa mér?

Ef eitthvað bjátar á, getur þú fyllt út viðhaldsbeiðni hér, eða sent tölvupóst á vidhald@heimstaden.is. Þar er mikilvægt að komi fram upplýsingar um það sem þarf að láta athuga, nafn leigutaka, heimilisfang og símanúmer.

Hvernig endurnýja ég leigusamning?

Heimstaden sendir út tölvupóst til leigutaka um 2-3 mánuðum áður en að leigusamningur rennur út, þar sem leigutaki fær boð um að endurnýja samning sinn.

Hvernig segi ég upp leigusamningi?

Senda þarf skriflega uppsögn á heimstaden@heimstaden.is með upplýsingum um nafn og kennitölu og eignina sem um ræðir. Taka skal fram hvenær leigutaki óskar eftir að skila eigninni.

Við leiðbeinum þér svo með framhaldið, afhendum gátlista yfir það sem þarf að gera áður en íbúðinni er skilað.

Hvernig gengur úttekt á íbúðinni fyrir sig þegar ég skila?

Skil á íbúðinni og úttekt miðast við að íbúðin er tilbúin til innflutnings fyrir næsta leigutaka. Við afhendum gátlista fyrir skil.
Grundvallarreglan um frágang íbúða er að þær séu hreinar í hólf og gólf, veggir heilir, leigutaki skal spartla í þau göt sem hann hefur gert á veggi eignarinnar og íbúð skal vera nýmáluð. Heimstaden býður upp á að mála íbúðir fyrir leigutaka, kostnaður við það er 1.300 kr á fermeter með efni.

Gluggar og svalahurðir eiga að vera hreinir einnig skulu gólf ávallt þrifin (ekki nauðsynlegt að bóna gólfið). Þrífa skal allar lofttúður og skápa utan sem innan og tæki sem tilheyra íbúðinni. Perustæði eiga að vera með ljósaperum í öllum herbergjum.

Leigutaki skal láta aflétta leigusamningi (hafi honum verið þinglýst) við lok leigusambands. Ef samningi er ekki aflétt þá tefur það fyrir uppgjöri og endurgreiðslu á leigutryggingu.

Þegar lokaúttekt hefur farið fram hefur leigutaki ekki kost á því að gera við eða framkvæma aðrar viðgerðir á íbúðinni, íbúðin á að vera tilbúin frá leigutaka þegar lokaúttekt fer fram.

Hvaða gögnum þarf að skila með umsókn um leiguíbúð?

Til þess að umsókn teljist gild, þurfa að fylgja með lánshæfismati frá Credit Info og sakavottorð frá Sýslumanni. Lestu meira um umsóknarferlið hér.

Hvað er innifalið í húsaleigunni?

Innifalið í leigu er meðal annars rekstrarkostnaður vegna:

  • Hita af íbúð leigutaka
  • Snjómokstur
  • Slátt á grasi
  • Húsvörslu
  • Rekstrarkostnaður sameignar, svo sem hita og rafmagn í sameign, eftirlit og rekstur á lyftu, ræstingar á sameign o.fl.