Hér eru nokkur ráð um hvernig þú getur þvegið fötin þín á umhverfisvænni hátt og látið þau endast lengur
- Skipulag – Ekki setja hálftóma þvottavél af stað. Þvottavélin notar jafn mikið vatn hvort sem vélin er hálffull eða hálftóm. Því er betra að safna saman fleiri flíkum í vélina til að fylla hana.
- Undirbúningur – Tæmdu alla vasa og snúðu flíkunum við. Föt með blettum í skaltu blettahreinsa áður en þú setur þau í vélina. Ef það er til dæmis kaffi, vín eða grasgræna í fötunum, getur verið gott að bleyta flíkina í köldu vatni með smá fljótandi þvottaefni og láta það liggja í 35-40 mínútur.
- Flokkaðu þvottinn – Byrjaðu á því að flokka þvottinn í eftirfarandi flokka
- Hversdagsföt, til dæmis peysur, buxur, og boli
- Handklæði og rúmföt
- Ullarflíkur
- Æfingaföt
- Þvottaefni – Notaðu rétt magn af þvottaefni. Algengt er að notað sé of mikið þvottaefni, það gerir þvottinn alls ekki hreinni og getur aukið líkur á því að fötin skemmist fyrr. Sumir verða einnig varir við ertingu í húð sé of mikið þvottaefni notað.
- Þurrkaðu þvottinn þinn – Þegar þvottavélin er búin að þvo, skaltu taka þvottinn sem fyrst út og hengja hann upp. Ef þú skilur eftir hreinan, blautan þvott í þvottavélinni of lengi, getur hann farið að lykta.
Þegar þú ert búin að þvo:
- Þurrkaðu vélarnar og þvottaskömmtunarhólfið
- Fjarlægðu ló úr þurrkaranum og tæmdu vatnshólfið
- Þurrkaðu alla bleytu sem mögulega hefur lekið niður með þvottavélinni
- Hafðu hurðina á þvottavélinni og þvottaskömmtunarhólfið alltaf opið þegar vélin er ekki í notkun
Ábyrgð á umhverfinu
Að hugsa og starfa sjálfbært er eðlilegur hluti af starfsemi okkar, við fjárfestum til langs tíma í eignum okkar og leggjum áherslu á umhverfi okkar og loftslag.
Lestu meira um samfélagslega stefnu okkar hér.