Heimstaden setur sér sjálfbærnimarkmið til að takmarka hlýnun jarðar við 1,5°c

Skuldbinding við Science Based Targets (SBTi) frumkvæðið

Í janúar 2021 var Heimstaden eitt af fyrstu íbúðarfasteignafélögum í Evrópu til að skuldbinda sig til Science Based Targets frumkvæðisins (SBTi). Síðan þá hefur átt sér stað ítarleg greining á því hvernig hægt sé að setja metnaðarfull markmið í loftslagsmálum og tryggja jákvæða afkomu félagsins. Fyrirtækið er stolt að tilkynna ný loftslagsmarkmið:

• Að draga úr losun gróðurhúsalofttegunda (GHL) um að minnsta kosti 46% fyrir árið 2030 (rammi 1 og 2*).

• Að minnka orkukaup að meðaltali um 2% árlega til ársins 2025.

• Að krefjast þess að birgjar sem ná til 70% losunar á ramma 3 munu setja sér vísindaleg markmið fyrir árið 2025.

Nýju markmiðin munu bætast við núverandi sjálfbærnimarkmið fyrirtækisins.

Heildarfjárfesting til að ná þessum nýju markmiðum um minnkun gróðurhúsalofttegunda árið 2030 er áætluð 74 milljarðar króna, miðað við núverandi eignasafn, og mun hækka eftir því sem eignasafnið stækkar og fyrirtækið vex. Verkefnið nær til allrar virðiskeðjunnar, svo sem orkuskipta, endurbóta á orkunýtingu í eignasafninu, uppsetningu sólarorkuverkefna og innkaupa á upprunavottaðri endurnýjanlegri raforku.

„Ég er stolt af því að vinna í fyrirtæki sem viðurkennir alvarleika loftslagsbreytinga og er tilbúið að gera nauðsynlegar fjárfestingar til að ná djörfum markmiðum. Vinnan byrjar núna en eina leiðin til að ná þessum markmiðum er með samhentri þátttöku Heimstaden, samstarfsaðila okkar og viðskiptavina“

sagði Katarina Skalare, Framkvæmdastjóri Sjálfbærni hjá Heimstaden.

Við viljum ganga á undan með góðu fordæmi

Víðsvegar í Evrópu standa byggingar fyrir um það bil 40% af orkunotkun og 36% af CO2 losun. Með því að setja sér metnaðarfyllri markmið í loftslagsmálum leitast Heimstaden við að leggja sitt af mörkum gegn loftslagsbreytingum, tekur ábyrgð á fótspori þess í umhverfinu og veitir vonandi byggingariðnaðinum og öðrum fasteignafélögum innblástur til þess sama.

„Við teljum að við séum öll ábyrg fyrir þeim breytingum í venjum og hegðun, sem við þurfum að gera til að berjast saman gegn loftslagsbreytingum. Hjá Heimstaden tökum við ábyrgð okkar af alvöru, sem einn af stærstu íbúðarhúsnæðiseigendum í Evrópu, og viljum því ganga á undan með góðu fordæmi þegar við setjum ný metnaðarfull og vísindatengd sjálfbærnimarkmið sem munu einnig hafa jákvæð langtímaáhrif á reksturinn, “

sagði Patrik Hall, forstjóri Heimstaden.

.

Nýju markmiðin og áætlun til að ná þeim verða send til SBTi til samþykkis.

„Við hlökkum til að fá viðbrögð frá SBTi. Við höfum sett metnaðarfull en raunhæf markmið og áætlanir. Með stuðningi frá SBTi vonumst við til að ná árangri í því að draga úr loftslagsbreytingum,“

sagði Katarina að lokum.

Skilgreiningar:

Um Science Based Targets initiative (SBTi):

SBTi verkefnið er samstarf milli CDP, Global Compact sáttmáa Sameinuðu þjóðanna um samfélagsábyrgð, World Resources Institute (WRI) og World Wildlife Fund (WWF). Tilgangur verkefnisins er að skilgreina og kynna bestu starfshætti í vísindalegri markmiðasetningu í loftslagsmálum. SBTi býður upp á úrval úrræða og leiðbeininga við markmiðasetningu og metur og samþykkir markmið fyrirtækjanna, eftir ströngum forsendum. Nánar.

*Rammi (e. Scope) losunar gróðuhúsalofttegunda:

Rammi 1: nær til beinnar losunar frá eignum. Rammi 2 nær til óbeinnar losunar frá framleiðslu á raforku, kyndingu og kælingar sem fyrirtækið notar. Rammi 3 nær til allrar annarrar óbeinnar losunar sem verður í virðiskeðju fyrirtækisins.