Auðveld þrif á bakaraofni

Hér er hægt að lesa um hvernig er hægt að þrífa bakaraofninn þinn á auðveldan og fljótlegan hátt!

Bakaraofninn verður fljótt óhreinn og það er mikilvægt að þrífa hann reglulega. Það eykur hreinlæti og þægindi við eldamennskuna. Þegar ofninn verður óhreinn gæti það orðið til þess að hann fari að lykta illa þegar við eldum í honum.

Þrífðu ofninn á 2-3 mánaða fresti

Besta ráðið er að þrífa bakaraofninn á 2-3 mánaða fresti, en það fer auðvitað eftir notkun hversu reglulega þrífa skal ofninn. Einnig er gott að taka stutt þrif inn á milli, til að fjarlægja mestu óhreinindin.

Hvað þarftu?

Það sem þú þarft að hafa til þess að þrífa bakaraofninn er eftirfarandi:

  • Rakur trefjaklútur eða svampur
  • Volgt vatn
  • Edik
  • Matarsódi
  • Spreybrúsi

Einföld blanda

Blandaðu saman matarsóda og vatni, úr því verður þykk blanda sem þú getur notað sem hreinsiefni á ofninn. Nuddaðu blöndunni vel með svampi um allan ofninn. Gott er að láta blönduna bíða í ofninum í svolitla stund, á meðan getur þú þrifið ofnskúffurnar og grindurnar.

Bættu við ediki

Þegar blanda hefur fengið að liggja á ofninum í smá stund, er edik sett í spreybrúsa og spreyjað yfir. Þá ætti blandan að freyða.
Hinkraðu í smástund og þurrkaðu svo blönduna af með rakri tusku.

 

Ábending!

Þurrkaðu ofninn eftir hverja notkun með blautum trefjaklút. Þannig verður ofnahreinsunin mun auðveldari og hraðari.